Познатата француска куќа за мода и парфеми штотуку го лансираше во продажба својот најнов мирис, наречен Mon Guerlain Sparkling Bouquet…
Лицето на новата линија на мириси, Анџелина Џоли, не осветли со својата природна убавина. Позирала во розов сатенски топ, со природно пуштена коса што паѓа преку нејзините рамена. Опишан како овошен, свеж ориентален мирис, овој парфем содржи ноти на лаванда, ванила од тахит, круша и сандалово дрво. Анџелина се појави и во придружното видео, во кое можеме да ја слушнеме песната Wild Thing од The Troggs.
„Mon Guerlain Sparkling Bouquet е визија на жена која го поттикнува неговото создавање. Обликуван од страста и радоста на животот на актерката и филантроп, Анџелина Џоли, овој мирис ја отсликува аурата на жена која едноставно зрачи, чија насмевка може да блесне на целиот свет “, стои во официјалниот опис на брендот.
