Ако сè уште не сте ги откриле придобивките и вкусот на мечкиниот лук – крајно време е да го промените тоа! Претежно ова диво растение се користи во супи и салати, но исто така можете да направите вкусни палачинки, па дури и ароматизирана сол.
Мечкиниот лук, исто така познат како див лук, го добил своето име од фактот дека мечките го јадат ова растение по хибернација.
Познат е по своите лековити својства: го намалува крвниот притисок, богат е со витамин Ц, спречува акумулација на холестерол во крвта, го стимулира срцето, помага во нормализирање на метаболизмот итн.
Сите делови на растението се јадат, но на неискусните берачи не им се препорачува сами да собираат мечкин лук, бидејќи тие можат да го заменат со отровното растенија мразовец, кое е многу слично на мечкиниот лук.
За палачинки ви требаат:
– 200 грама мечкин лук
– 2 јајца
– 2 децилитри вода
– 200 грама брашно
– сол
– крем сирење или фил по желба
Подготовка:
1. Во блендер или користејќи миксер, исечете го мечкиниот лук со вода, околу 2 минути додека не добиете целосно зелена течна маса.
2. Во сад изматете ги јајцата со брашното и додадете ја зелената смеса (тестото треба да изгледа малку подебело отколку за класичните палачинки), па додадете сол.
3. Печете ги палачинките и пополнете ги со крем сирење во кое сте измешале пар исецкани лисја лук или со солен фил по желба.
За сол ви требаат:
– 150 грама мечкин лук
– 600 грама сол
Подготовка:
1. Користејќи миксер, направете микс од 150 грама мечкин лук и сол додека не добиете густа кремаста смеса.
2. Додадете го остатокот од солта и мешајте со вилушка додека целата сол не стане зелена.
3. Оставете солта да се исуши ден или два и наполнете ги теглите
Совет: Мечкината сол се користи како додаток на јадења или наместо лук. Може да се користи и за козметички цели како пилинг за тело за подобрување на тонот на кожата.
