Токиското студио Klein Dytham Architecture, креативно го дизајнираше PokoPoko како клубска куќа и центар за активности опкружен со шума, во близина на хотелот Risonare Nasu во руралниот дел на Јапонија….
Конструиран во градот Насу, сместен во сенката на истоимените планински вулкани, хотелот и клубот се наоѓаат во едно расчистување, опкружено со шума, помеѓу два постојни блокови за сместување. „Концептот се засноваше на создавање бајковита градба во срцето на шумата. Сакавме студиото да се издигне над крошните и да стане икона на шумата, како и обележје на хотелот, што ќе се види од голема далечина“, објаснуваат архитектите.
Лоциран на патеката што ги поврзува двете локации на хотелот, PokoPoko се состои од три поврзани дрвени прегради, што му даваат интересна силуета. „Клупската куќа го доби својот облик од јапонскиот збор поко-поко, кој е ономатопејски“, велат архитектите. Новата зграда ќе им биде достапна на гостите во хотелот како центар за разни активности и простор за релаксација – секој од трите оддели има своја посебна функција, додека централниот е посветен на готвење и јадење. Тука, гостите со своите деца можат да учествуваат во разни работилници и да ги научат јапонските тајни на совршен џем.
Покрај централната купола, има уште две, малку помали, од кои едната е наменета за деца, а другата за возрасни. Во централниот дел на детската област има бела мрежа за качување, опкружена со јама со топки. Делот за возрасни е центриран околу огништето опкружено со модуларни зелени софи создадени од истото архитектонско студио, со тоа што двата дела се отвораат на прекрасна тераса, каде што има дополнителен простор за седење покрај јамата за камперски оган.
Кровната конструкција на објектот е изградена од бор. „Локалното дрво беше природен избор за овој дел на рурална Јапонија. Ние работевме со водечка компанија „Shelter“ за да ја создадеме оваа навистина уникатна структура “, велат архитектите.
