Обожавањето на одредена славна личност е една работа, а опсесијата е сосема друга…
Во втората категорија дефинитивно спаѓа обожавателката на Ким Кардашијан, која потрошила околу 1,3 милиони долари за да го имитира нејзиниот стил. Шели Д.Н., или Chaly, потрошила неверојатна сума на пари за својот изглед, гардероба и колекција накит, за да изгледа идентично како Ким на прв поглед.
Гардероберот на Шели е полн со часовници Rolex, облека од Prada, Gucci и Balmain, во вредност од над 41 000 долари. Како да тоа не било доволно, таа признала дека правела ботокс и филер зафати, за целосно и „совршено“ да изгледа на Ким.
Лондонската инфлуенсерка има огромна база на следбеници и признава дека ужива во вниманието што го добива, и често потпишувала договори со големи модни брендови, особено популарни на социјалните мрежи. Покрај овие ангажмани, Шели имала можност да соработува и со луксузни дизајнери како Нина Наустдал, кога позирала во луксузни фустани покриени со кристали.
Зборувајќи за нејзината опсесија со Ким Кардашијан, Шели изјави: „Почнав да ја следам на Инстаграм и мислев дека сме неверојатно слични. Имаме сличен стил, и сè што гледам на неа, сакам да го имам. Луѓето постојано ми велат дека изгледам како неа, без разлика дали ме гледаат на улица или на забава. Обожаватели ме застануваат да се фотографирам со нив, и јас навистина уживам во целото тоа внимание“.
Сепак, таа застана во своја одбрана и се обиде да докаже дека намерно не ја копирала Ким: „Луѓето мислат дека мојот стил се базира на нејзиниот, но ние сме две различни особи“, изјави Шели. Сепак, сè уште ни се чини дека некој копира некого… Што мислите вие?
