Дворовите наскоро повторно ќе бидат зелени, цвеќињата ќе цветаат, природата полека се буди затоа што пролетта доаѓа наскоро. А, на пролет, оваа куќа изгледа магично со бајковит впечаток, што нè освои со својата внатрешност и надворешност. Секој агол од овој дом има свој шарм, исто како од бајка.
Англискиот Дорсет може да се пофали со своите живописни, идилични предели, а прекрасната куќа украсена во многу шармантен и пријатен стил на англиско село совршено се вклопува во таквата околина.
Секоја просторија е убава на свој начин, со многу посилни и поблаги бои, антички и тапациран мебел, рустикални детали, токму во препознатливиот стил на англиското село. Во дневната соба, наместо прозорци, има стаклена врата што води кон дворот украсен како бајка, полн со зеленило и убави цвеќиња.
Можеме да замислиме во оваа идила да пиеме утринско кафе и да поминуваме пријатни пролетни и летни вечери – да посакаме во овој момент да сме токму таму!
