Дали знаевте дека можете да ја најдете „Божјата рака“ во Јордан и тоа нема никаква врска со Марадона? Но, сепак има поврзаност со малку постари верувања, од времето кога римските сандали за првпат влегоа во мода.
Тоа било во древното минато, поточно 2 век, во времето на Јупитер, Венера, Минерва, Плутон… Еден од великаните што шетал по земјата е Херкул. Тој е римски пандан на Херакле – славниот грчки син на богот Зевс и на земната кралица Алкмени. Зевс, секако ја имал љубоморната сопруга Хера, но, кралот на боговите превел прељуба со многу жени и така се родил Херакле, обичен човек со божествена моќ.
Кога сето ова ќе го поминеме низ римскиот филтер, тогаш Зевс станува Јупитер, Хера станува Џуно, а Херкулес – Херакле. Повторивме малку од потребната историја и сега можеме да зачекориме во јорданските остатоци од моќна империја.
Легендата вели дека пропаднал во земја…
На ридот што се издига над стариот град Аман, главниот град на Јордан, се наоѓа познат археолошки локалитет. Тоа е храм посветен на Херкул. Се верува дека е изграден во 2 век, како и тамошен римскиот театар.
Археолозите веруваат дека храмот никогаш не бил завршен, но сепак тоа не е она што привлекува најголемо внимание. Нешто друго го привлекува вниманието: огромните прсти на човечката рака кои се чини дека излегуваат од земјата и нешто грабнува. Пред да започнете да врескате, без грижи! Тоа е само остаток од некогашната монументална статуа на богот Херкул.
Додека сè уште стоела, била висока околу 12 или 13 метри. Висока дури ѝ од столбовите на храмот што останале – тие биле високи 10 метри.
Денеска од него останаа само три прста и еден зглоб. А каде е тој? Како можеме дури да знаеме дека станува збор за него ако не е таму? Научниците не го отфрлаат ова сомневање. Но, бидејќи Херкул во тоа време често бил прикажуван на слики и монети, повеќето од нив се согласуваат дека статуата е посветена и на него.
Можно е тој да е уништен за време на земјотресот. Деловите во кои се распаднала статуата, тогаш веројатно биле искористени за изградба на други градби. Веќе ги замислуваме локалните жители како го инсталираат торзото на Херкул во нивните домови и да ги преиспитаме местата каде што пиевме кафе. Кој знае дали очите на Херкулес гледаа во нас…
