Во неодамнешното интервју за The Late Show With James Corden, принцот Хари отворено зборуваше за одрекувањето од кралските должности, серијата The Crown, но и љубовта со Меган Маркл.
Признавајќи дека притисокот од британските медиуми го уништува неговото ментално здравје и дека е потребно повлекување од кралското семејство за да се спасат неговото семејство и себеси, Хари тврди дека без оглед на тоа, нема да престане да придонесува за заедницата и да извршува должности што произлегуваат од јавните служби.
Секогаш насмеан и весел, Хари споделуваше анегдоти од кралското семејство, па откривме и како кралицата ја користи платформата „Зум“, што Арчи доби за Божиќ и кој му беше првиот збор.
Сепак, најинтересниот дел е приказната за заљубувањето во Меган Маркл: „На вториот состанок, помислив – леле, ова е нешто многу посебно. Не стануваше збор за местото каде што одевме, туку за тоа како се совпаѓавме, чувствувајќи се целосно опуштени едни со други. Да се забавува со мене или со кој било член на кралското семејство е сосема поразлично од вообичаеното. Секој состанок на почетокот на врската вклучува вечери, разговори и гледање филмови дома, а дури подоцна, кога ќе станете пар, започнувате да излегувате во ресторани и кина во јавност, па сè беше наопаку со нас. Поминавме огромно време заедно наместо да одиме на вечери со пријатели и да се дружиме со други луѓе. Избегнавме какво било мешање и уживавме. Сè се случи со неверојатна брзина, за само 2 месеци“, рече војводата од Сасекс.
Тој на 7 март ќе гостува со војвотката од Сасекс на шоуто на Опра Винфри, а дотогаш уживајте во ова забавно интервју.
