Познатиот рапер, Џеј Зи, го прослави својот педесетти роденден со презентирање на едно буре коњак D’Usse 1969 Anniversaire Cognac во вредност од 5000 долари…
Сега, единственото преостанато шише од колекцијата што го носи потписот на славниот уметник оди на аукцијата што ќе се одржи на 13 мај. Фондацијата Шон Картер очекува од продажбата на овој ексклузивен коњак да заработи од 25.000 до 75.000 долари. Оваа организација има за цел да им помогне на поединците кои се борат со економски проблеми, давајќи им пристап до високото образование. Сите шишиња од колекцијата се нумерирани со натпис, со капаче што го означува нивниот реден број. Дванаесетте кристално-исечени дијамантски украси доаѓаат во прекрасна кожна кутија украсена со раскошни акценти, но, шишето број 1, исто така, доаѓа со 24-каратна златна фолија низ неговата надворешна страна, покрај потписот на Џеј Зи.
Како што изјави Џеј Зи: „Кога нашиот Мајстор за визба, Мишел Касавеки, го откри овој стар пијалок во Chateau de Cognac и ја објасни неговата вредност, за мене беше многу важно да му оддадам почит со тоа што ќе направам нешто за да ја прославам неговата посебност. Кога ова буре е празно, не може да се пресоздаде. Целиот процес зад колекцијата Anniversaire од 1969 година ме потсети зошто го сакам овој бизнис – да создадам нешто што ќе го издржи текот на времето. За мене е многу важно што конечно можеме да го споделиме ограниченото издание на D’Usse 1969 Anniversaire со остатокот од светот, додека целиот профит од продажбата на првото шише ќе оди директно на фондацијата Шон Карте “.
