Метју Меконахи открива што навистина се случило на неговата аудиција за филмот Титаник.
На многу начини, Титаник во 1997 година беше последниот холивудски блокбастер на старата школа, потпирајќи се на моќта на ѕвездите и на драматичната приказна што ја освои публиката. Гласините за снимањето на филмот оттогаш достигнаа епски размери. Една долгогодишна легенда е дека Метју Меконахи требало да ја игра главната улога на Џек Досон, што всушност на крај е доделена на Леонардо ди Каприо.
Во интервју за Роб Лоу, Меконахи призна дека неговата аудиција поминала толку добро што бил сигурен дека ја добил улогата.
Додека актерот го читаше текстот со Кејт Винслет, сцената беше снимена на видео, па тие можеа да видат како сè ќе изгледа на екранот. После тоа, Метју ги напушти просториите, а некој од филмската екипа го придружуваше и рече дека сè поминало добро. Од силните поздрави, уметникот сфатил дека неговата изведба навистина имала ефект и дека поминала добро.
„Навистина мислев дека ја добив улогата“, објасни актерот на подкастот со Роб Лоу.
Во времето кога се создаваше Титаник, режисерот Џејмс Камерон бараше харизматична личност која ќе ја преземе улогата на Џек. Метју Меконахи во тоа време веќе беше етаблирана филмска sвезда. Но, Камерон на крајот заклучи дека е потребен некој помлад за улогата на Џек. Тогаш неговото внимание го привлече младиот актер по име Леонардо ди Каприо.
За жал, Ди Каприо не беше заинтересиран за снимање на овој филм, но неговата аудициска сцена го освои Камерон, и покрај фактот што самиот актер не се трудел премногу.
Сепак, инстинктот на Камерон не го измами, бидејќи филмот доживеа еден од најголемите успеси на сите времиња. Настапот на Ди Каприо се покажа толку неодолив што „Леоманија“ стана легитимен феномен на поп-културата, а улогата на Џек Досон ја одбележа кариерата на Ди Каприо.
Што се однесува до Метју Меконахи, тој успеа да се опорави од неуспешната аудиција за Титаник и продолжи да снима серија на комерцијално успешни филмови.
Во продолжение е подкастот каде актерот ја раскажува оваа интересна приказна.
