Среде бујно поле со чај во кинескиот град Јонгфу во провинцијата Фуџијан, засадени се цреши, кои создаваат нереални сцени кога ќе почнат да цветаат. Некои дрвја почнуваат да цветаат пред пролетта, а други оживуваат токму во тоа време од годината.
Контрастот на розови цветови од цреша и лисјата од зелен чај е главната атракција на градината Таипин Сакура на југоистокот од најнаселената земја во светот.
Иако црешовиот цвет – сакура – е препознатлив симбол на јапонската култура, нејзината убавина е почитувана и во „соседството“. Илјадници луѓе патуваат во Јонгфу да прошетаат низ градината, да уживаат во прекрасниот поглед и неодоливите мириси.
Откријте зошто луѓето патуваат во Јонгфу кога цветаат цреши во галеријата со слики.
