Сместено на периферијата на градот, околу половина час од центарот, бамбусовата шума во Arashiyama – или Sagano, како што уште се нарекува, е едно од местата што туристите мора да го посетат во Кјото. Веројатно најпознатата шума во Јапонија е омилена мета на објективите, но и за Photoshop или Lightroom.
Интернетот е преплавен со нереално наполнети фотографии од бајковитата шума во нијанси на зелена и златна боја, но за жал ова не е искуство кое ќе го доживеете во Arashiyama , освен ако немате многу развиена фантазија. Сцените на фотографиите, кои се враќаат во времето на самураите и гејшите каде има мир и тишина, во реалноста се сосема различни.
Пред пандемијата, скоро пет милиони луѓе се шетаа во шумата секој месец. Оние кои сакаат да добијат фотографии како од „сликовница“ мора да работат напорно, затоа што покрај посилниот интензитет на бојата, треба да се избришат или избегнат поголем број луѓе.
Без оглед на тоа што шумата е прекрасна, поради големите очекувања, туристите честопати се разочаруваат откако ќе се соочат со реалноста, поради што не и даваат одлични оценки. Но, ако се најдете во Кјото, Arashiyama не е загубено време. Посебно искуство е да се набљудуваат прекрасни дрвја и да се слушаат звуците на ветерот или капките од дожд. Влезот е бесплатен, а најдобро време за посета е наутро или навечер, за време на викендот.
