Некои жени се родени русокоси, дури и кога не се родени русокоси, а непријатно убавата Маргот Роби е дефинитивно една од нив. И токму затоа, треба да трепнеме неколку пати кога ќе ја видиме во сосема поинакво издание, поточно, како бринета со масивни темни кадрици, во она што го трансформираше за потребите на новиот филм што го снима со Дејвид О.Расел.
Ова не е прв пат нејзиното актерско ослободување да нè затекне; Роби се докажа многу пати како исклучително талентиран камелеон и многу рано во својата кариера ја смири злобната предрасуда дека е само уште едно „убаво лице“ на Холивуд, и не е првпат да ја гледаме како бринета. Сепак, нејзиниот нов изглед нѐ изненади и предизвика љубопитност за новиот проект за кој сè уште не знаеме – скоро ништо!
Имено, новата продукција на режисерот, која е најпозната по хитовите Silver Linings Playbook, American Hustle, Joy и The Fighter, сè уште нема официјално име, а знаеме само дека се работи за „оригинална идеја“ и дека импресивниот ансамбл го сочинуваат Кристијан Бејл, Роберт де Ниро, Рами Малек, Зои Салдана, Џон Дејвид Вашингтон и, секако, Маргот Роби. Снимањето започна во јануари, така што треба да се претпостави дека нема да ги видиме резултатите од работата толку брзо, но внимателно ги следиме сите новости поврзани со претстојниот филм.
