Балетанките со стил се враќаат на модната сцена оваа година, а трендот што срамежливо се појави минатото лето ќе ги доживее своите sвездени моменти оваа година, убедени се модните експерти.
Минатото лето, најпознатиот моден пребарувач Лајст тврдеше дека потрагата по балетанки е во пораст и може да ја видиме оваа малку заборавена обувка што доминираше во раните 2000-ти, кога беше популаризирана од Кејт Мос, на нозете на многу познати трендсетерки , како што се Ники Хилтон, Емa Робертс, Анџелина Џоли, Ана де Армас, Меланија Трамп …
Минатата есен холивудските sвезди Анџелина Џоли и Ана де Армас успешно го усвоија овој тренд, се одлучија за ефикасен модел со потпис на познатата модна куќа Клои во неутрална беж боја.
Балетанките се модна класика која никогаш нема да излезе од мода, а девојките и жените ги обожаваат и за удобноста и за шик изгледот.
Славата ја стекнаа уште во 50-тите години од минатиот век, кога иконите како Одри Хепберн и Брижит Бардо ги вклучија во нивните кул стилови, и се чини дека се враќаат во голем стил со оглед на моменталните модни трендови кои ја ставаат удобноста на прво место.
Нивната предност е што се вклопуваат во кој било стил и изгледаат одлично во комбинација со кожни панталони, фармерки, тренди фустани …
Женствени и слатки балетанки веќе се појавија во колекциите на познати модни куќи, но и во понудата на улични продавници како Страдивариус, Х&М, Манго, Зара …
Престижната модна куќа Селин лансираше неодоливи модели со класични лакови, додека познатата лондонска дизајнерка Симон Роша нуди светкави сатенски варијанти со тренди панделки …
Модните ентузијасти кои сакаат невообичаени детали можат да изберат модели со на пр. кожни детали или квадратен врв.
Во секој случај, дефинитивно ќе ги видиме балетанките, затоа набавете ги вашите на време, бидејќи овој тренд нема да исчезне толку брзо.
