Настапот на полувремето во Суперболот беше различен од минатогодишните Џеј Ло и Шакира и порано Бијонсе и Колдплеј, Лејди Гага… За разлика од неговите колеги, The Weeknd не ја делеше сцената, но го искористи настапот како преглед на неговата досегашна кариера и настапи со неколку најголеми хитови.
Друга разлика беше фактот што немаше повеќе облоги и оскудни костуми, но тоа не значи дека неговата облека беше помалку „светкава“. Во духот на естетиката на која тој беше верен цела минатата година, промовирајќи го албумот After Hours, The Weeknd носеше црни панталони, кошула и тенка вратоврска, двобојни „creepers“ и неизбежната црвена јакна. Метју М. Вилијамс за Живанши е одговорен за ова елаборатно издание на препознатливата црвена јакна, извезена со кристали, а за да се изработи беа потребни дури 250 часа работа!
Целиот изглед е инспириран од 70-тите години на минатиот век, филмовите Fear and Loathing in Las Vegas и секако, Мајкл Џексон од фазата „Трилер“. Сценографијата потсетуваше на Лас Вегас, а на сцената доминираа двојниците на The Weeknd, танчери, лица завиткани во завои, според неговите видеа и јавни настапи изминатата година; коментар за холивудскиот начин на живот. Мноштвото идентични The Weekndови не придонесоа за различноста на сцената, но изгледаа прилично моќно.
Иако не се држеше до утврдените формули за вообичаените екстравагантни настапи на Суперболот кои вклучуваат неочекувани музички соработки и различни костуми ,The Weeknd успеа да го задржи вниманието на гледачите и да обезбеди шоу за паметење.
