Знаеме дека зимата сè уште не е при крај, но деновиве нѝ понудија топли и високи температури поради кои многумина од нас, посегнаа во плакарите по лежерните јакни и палта.
Во принцип, како што се зимата се приближува кон крајот, времето е нестабилно, така што имаме ладни утра што не тераат да ги носиме најгустите парчиња облека и потопло попладне што можат да издржат дури и нашите омилени мантили.
И за нешто повеќе од еден месец, овие мантили ќе станат секојдневие на градските улици како едно од оние парчиња што никогаш не излегуваат од мода.
Жените обожаваат мантили затоа што се лесни за комбинирање, како со дневни, така и со поелегантни комбинации. Одлично изгледаат со фармерки, маица и патики, но и со фустан и чевли на потпетица.
Беж мантилите се меѓу омилените парчиња на многу љубители на модата, но продавниците нудат и мантили во други бои, разни кроеви и должини.
Во нашата галерија издвоивме 12 модели кои моментално се наоѓаат на полиците на продавниците, а можеби меѓу нив е и оној што нема да го соблечете штом пролетта тропне на вратата.
