Сега можете да вечерате во стилот на Louis Vuitton!
Louis Vuitton зачекори во бизнисот со ресторани, отворајќи го својот прв ресторан и кафуле во Осака, Јапонија – Le Café V и Sugalabo V. Отворањето на кафулето и ресторанот беше најавено пред една година, а сега конечно имаме можност да го погледнеме нивниот ентериер. Во ресторанот и кафулето ќе се служат јадења од менито составено од јапонскиот готвач Јосуке Суга, студент и штитеник на легендарниот Џоел Робучон.
Le Cafe V се наоѓа на последниот кат на четирикатниот бутик Louis Vuitton и има тераса на покривот, каде ќе се служат коктели за време на потоплите месеци. Ресторанот Sugalabo V го поддржува концептот на истоимениот бар Јосуке Суга во Токио и е отворен само во текот на вечерта.
Централниот елемент во ентериерот на ресторанот е отворена кујна, украсена со топло дрво, што е иконски мотив за просторите на Louis Vuitton. Мебелот за новите објекти е создаден од Токујин Јошиока, кој претходно соработувал со француската куќа.
Ентериерот е дизајниран од дизајнерот Јун Аоки, инспириран од брод на морските води.
