Џенифер Лопез и нејзиниот вереник Алекс Родригез го користат секој слободен момент за романтичен состанок заедно. Парот се упатил на ручек во познатиот ресторан Белини во Мајами.
Иако Џенифер многу внимава на својата диета и, според сопственото признание, се одрекува од многу гастрономски задоволства, таа сепак реши да се препушти на уживањето во италијанските специјалитети по кои е познат овој ресторан.
Латино дивата избра една (според нејзините стандарди) лежерна комбинација за излегување. Кафеавата долчевита ја искомбинира со искинати (парталави) фармерки, топло палто од волна и голема елегантна црна чанта.
На нозете имала чизми до глужд во каубојски стил, кои веќе се објавени во многу модни списанија, вклучително и Вог, како еден од најпопуларните модели на чизми до глужд за претстојната пролетна сезона.
„Каубојки“ се исто така популарни кај нас, а локалните љубители на модата особено сакаат да ги комбинираат со лелеави фустани со средна форма. Нема сомнение дека и оваа пролет ќе бидат извадени од плакарот, па повторно ќе ги завземат нашите улици.
