Новитет кај природните засладувачи, што се добива од – отпадот на преработеното какао.
Долго време се истражува дали лушпите што се одделуваат од зрната какао за време на печењето можат корисно да се употребат наместо да се фрлаат – особено затоа што светското производство на какао произведува огромни количини на овој нуспроизвод што непотребно ја оптеретува животната средина.
Меѓународната компанија Healy Group, која се занимава со суровини за храна, објави дека произведе нова замена за шеќер од ситно мелени лушпи од какао. Тие велат дека овој засладувач е идеален за збогатување на чоколадни производи затоа што добиваат уште покорисни материи од какаото (на пр. полифеноли и влакна), а вкусот и изгледот на производите во никој случај не се разликуваат од обичното чоколадо.
