Опкружен со планинска верига, хотелот Парк Флоријан во Јужен Тирол е совршена дестинација за љубителите на планините…
Овој прекрасен хотелски комплекс е скоро проширен со десет нови апартмани за гости, еколошки создадени, за да ја зачува природата околу вас. Новата екстензија е дело на италијанското студио Network of Architecture – NOA.
Студиото одлучи да создаде уникатен дизајн кој е инспириран од модерните ложи во форма на дрвени куќи, подигнати од земја. Новите станови се изградени одделно од главниот хотел, но сепак се поврзани со постојната структура, што создава чувство на континуитет и создава нов архитектонски концепт.
Зелената дрвена фасада додава рустикална привлечност кон надворешниот дизајн, додека големите прозорци ја одржуваат модерна елеганција. Ентериерите се дизајнирани во согласност со карактеристичната естетика, така што содржат темно зелени sидови со црни рабови на таванот.
Од дневната соба до бањата и спалната соба, ентериерите непречено се поврзуваат, додека само дел од тоалетот е дизајниран како посебна единица. Исто така, постои и тераса на отворено со мрежна лежалка за крајно опуштање.
