Да бидеме совршено искрени, „One Direction“ годините на Хари Стајлс пролетаа точно под радарот на оние во 20-тите и погоре. И, всушност, сè додека тој не се појави на црвениот тепих на Мет Гејл, многумина никогаш не ни чуле за него. Но, една проѕирна блуза со машна и една преголема бисерна обетка ги натера сите да помислат „Леле“ и да гуглаат кој е тој смел Хари Стајлс.
Придружуван од уметничкиот директор на Гучи, Алесандро Микеле, Хари одеше пред фотографите на влезот во Мет Гала самоуверено покажувајќи ги своите тетоважи под проѕирна блуза, а многумина го паметат од британскиот Х Фактор како тинејџер во 2010 година, по кој стана член на бој бендот Оне Дирекшн, и во 2015 година ја продолжи својата независна кариера. Од таа Мет Гала, ние бесрамно ги слушаме неговите поп-хитови како Watermelon Sugar, Adore You i Sign of the Times, а со цело срце ги браниме машките права да носат фустани и сметаме дека вистинските мажи носат бисери.
Со својот камп, родово неопределен стил на облекување, тој евоцираше поп-рок sвезди како Мик Џегер и Дејвид Боуви, и со соработката со Гучи ја подигна оваа естетика на едно ново ниво. Кадифени костуми со две гради, блузи во пастелни нијанси на свила и органза, везени широки јаки на сакоа, потпетици… Хари во своите јавни настапи носи облека што и жените и мажите со задоволство би ја позајмиле од неговата гардероба, за што сведочи и најновото видео за песната Treat People with Kindness во кое танцува со Фиби Валер-Бриџ во соодветни облеки.
Иако редовно има критичари кои сакаат да ја истакнат својата традиционална мажественост со изјави како „Вратете ги вистинските мажи“ и слично, Хари само мавта со раката на ваквите надразнувања и вели: „Што се однесува до мојот фустан и изгледот на албумот, јас претежно одлучувам со моите соработници. Сакам работите да изгледаат на одреден начин. Не затоа што тоа ме прави да изгледам повеќе геј или подиректно или бисексуално, но мислам дека изгледа кул. Повеќе од тоа, не знам, мислам дека сексуалноста е нешто забавно, искрено? Мислам дека не размислував над тоа “.
Покрај неговите модни избори, Хари понекогаш ја изненадува јавноста и со својот приватен живот: тој неодамна беше во врска со 10-години постарата актерка Оливија Вајлд, која го режира филмот „Не се грижи мила“ во кој Стајлс го заменува Шиа ЛеБеуф. Ова не е негова прва улога – тој исто така глумеше во реномираниот Данкирк и бидејќи има само 27 години, едвај чекаме да видиме што ќе постигне (и ќе облече) Хари во следните 27 години. Среќен роденден, Хари!
