БДП на втората по големина економија во светот, Кина, се очекува да порасне за 8,2 проценти оваа година, продолжувајќи да ги победува сите свои конкуренти, вклучително и САД…
Кина е единствената голема економија што избегна контракции минатата година, и ако продолжи по сегашниот пат, ќе стане најголема економија на светот во 2028 година, смета Хоми Карас, заменик директор на програмата за развој и глобална економија на Институтот Брукингс. Тоа е две години порано отколку што се очекуваше претходно.
Уделот на оваа земја во светската економија рапидно расте во овој век. Според статистичките податоци, глобалниот раст паднал за 4,2 проценти минатата година, што го намали кинескиот дел за 14,5 проценти. Економистите велат дека Пекинг ги продлабочува своите економски врски во рамките на Азија и Европа, барајќи домашна консумација и потрошувачка што ќе ја зајакне следната фаза на раст. Оваа недела, кинескиот претседател Си Џинпинг рече дека „времето и ситуацијата“ се на страната на нивната земја минатата година, додека Вашингтон се бори со внатрешните проблеми.
Пандемија може да и помогне на Кина „да ја зајакне својата позиција во глобалната економија“, според Ка Зенг, директор за азиски студии на Универзитетот во Арканзас. Компаниите во САД и Европа веројатно ќе се фокусираат повеќе на Кина, „поради потенцијалот на земјата да биде единствениот главен извор на раст во постпандемискиот свет“.
Веќе најголемиот извозник на светот, Кина ги зголеми испораките за 3,6 проценти во однос на претходната година, според официјалните податоци. Вкупниот светски извоз падна за 5,6 проценти, според проценките на Обединетите нации.
Во меѓувреме, Кина ја врати титулата за најдобра дестинација во светот за странски инвестиции, со над 129,5 милијарди долари приходи до ноември минатата година.
