Амал Клуни (42) се најде во центарот на вниманието стапувајќи во брак со Џорџ Клуни, и за кратко време стана пример за многу жени ширум светот. Таа е образована, амбициозна и успешна жена. Освен тоа, нејзиниот стил е беспрекорен. Амал многу добро ги знае сите модни правила и што е во тренд. Ова се 6-те модни заповеди што треба да ги усвојат сите жени.
Кога станува збор за модата, Амал строго ги следи овие правила:
Правило 1: Секогаш бирајте фустани кои ви ласкаат на обликот на телото
Не водете се од трендовите, туку изберете ја гардеробата што најмногу одговара на вашата градба. Амал сака да носи фустани и се чувствува најдобро во нив, но никогаш не би носела нешто по секоја цена само затоа што е „ин“.
Правило 2: Секогаш усогласете ја бојата на чевлите и фустанот
Таа скоро секогаш го почитува ова правило и вели дека можноста за грешки е минимизирана.
Правило 3: Инвестирајте во квалитетен капут
Амал е сигурна дека секоја жена во гардероберот мора да има барем еден модел на добро скроен капут. Таа предлага капут во светла боја што ќе го направи секој стајлинг поинтересен.
Правило 4: Во некои прилики потпетиците не се добар избор
Поголемиот дел од времето го поминува во судницата и е претежно во високи потпетици, но вели дека тие понекогаш не се најдобрата опција. Кога не е на суд, со задоволство се одлучува за рамни и удобни чевли. “Не носите потпетици по секоја цена. Жената може да изгледа одлично во рамни чевли, а во некои прилики е едноставно несоодветно да се носат”.
Правило 5: Помалку е повеќе
Таа сака додатоци, но никогаш не претерува. Верува дека едно парче накит е доволно за да се комплетира секоја облека.
Правило 6: Големо ДА за посмели комбинации
Кога излегува, нејзиниот стил е малку посмел. Таа сака да ја покажува својата витка фигура, но со соодветна мерка. Говори дека нема ништо против пократки маици и фустани, се додека тоа не оди подалеку од пристојноста.
