Секој што ги вклучи социјалните мрежи во последните два дена не можеше да избегне вистински налет на мемиња и видеа чија sвезда беше топло облечениот Берни Сандерс, поранешен кандидат за претседател на САД. Сликата како седи сам на инаугурацијата на Џо Бајден ги воодушеви дигиталните творци кои го ставаат во различни ситуации: наместо Саманта со протагонистите на Сексот и градот, Патрик Свејзи во филмот „Дух“, наспроти Марина Абрамовиќ во нејзината ретроспективна изложба… насекаде, освен, како што некои негови приврзаници забележаа, во Белата куќа. Но, Берни ја прифати шегата и само искоментира: „Така луѓето стануваат свесни дека правиме добри ракавици во Вермонт“. Бидејќи модниот детал што се издвојуваше во минималистичкиот изглед на Сандерс е пар ракавици кои му беа дадени за време на неговата кампања од страна на наставничката Џен Елис од Вермонт. Ракавиците се нејзино дело, а ги прави од стари волнени елеци и руно што се прави од рециклирани пластични шишиња.
Но, Берни Сандерс не е единствениот што го поддржува локалното производство на инаугурацијата. Кандидатка за позицијата секретар за внатрешни работи Деб Халанд е член на племето Лагуна Пуебло, а за церемонијата на инаугурацијата таа носеше традиционално здолниште во чест на нејзината култура.
Истакнати гости како Мишел Обама, Камала Харис и Хилари Клинтон ги поддржаа американските дизајнери со нивниот моден избор и ги ставија во фокусот, а Џил Бајден, по церемонијата на инаугурацијата на која носеше релативно непозната марка Маркаријан, се пресоблече во бел фустан и палто за вечерта, дело на славниот водач на одржливоста во модата: Габриел Херст.
На својот Инстаграм профил, Габриела Хирст го објасни процесот на правење, но и симболиката на белата облека дизајнирана за Првата дама: „Пораката за единство е главната инспирација за овој сет“. Везените цвеќиња симболизираат одделни држави или територии на САД, а на секое им требаше околу два часа, а на облогата беше извезен цитат од Бенџамин Френклин: „Кажи ми и ќе заборавам. Научи ме и ќе се сетам. Вклучете ме и ќе научам. “, што се однесува на животната вокација на Џил Бајден во областа на образованието. Конечно, Габриела Хирст истакна дека одржливи материјали биле користени за изградбата со цел да се намали негативното влијание врз животната средина.
Се чини дека новото политичко раководство е многу посвесно за социјалните и еколошките влијанија на модата, па деновите на јакната на Меланија со натпис „I don’t really care, do you?“ се далеку зад нас.
