Rimac Automobili на својата Фејсбук страница објави дека наскоро ќе започне сериското производство на нов електричен хиперавтомобил – моделот C_Two.
Предсериската фазата започна со производство во декември минатата година, а официјалниот почеток на сериското производство на Фејсбук го потврди сопственикот на компанијата Мате Римац.
Пред-сериското производство расте и ние се подготвуваме за производство на автомобили за клиенти. Капа доле за над 900 луѓе кои овозможија остварување на овие цели. Сите нивни потписи ќе бидат на секој автомобил – и фигуративно и буквално, напиша Римац на Фејсбук.
Постоечките автомобили во пред-производство ќе се користат за понатамошни прилагодувања и подобрувања, тестови за хомологација и издржливост, експериментирање со прилагодувања на звучна изолација, отпорност на возило на вибрации и за проценка на целосниот производ, изјави Римац.
