Chanel лансира нова серија на подкасти – Chanel Connects што ќе биде посветена на уметноста и културата.
Таму ќе зборуваат познати пријатели и амбасадори на брендот – Тилда Свинтон, Фарел Вилијамс, Кира Најтли, уметничката Џенифер Пакер, уметнички критичар и кустос Николас Кулинан и други. Ним, исто така, ќе им се придружат уметници, сопственици на галерии, архитекти и други претставници на светот на уметноста. Новиот подкаст ќе се фокусира на она што ќе биде популарно во културата во блиска иднина, како галериите, музеите и театрите ќе се прилагодат на брзо менливиот свет и повторно ќе ги отворат вратите за посетителите, какво влијание има модерната технологија врз креативноста и каква улога има културата во квалитетот на социјалните промени.
Сите 7 епизоди на „Chanel Connects“ сега се достапни на Apple Podcasts, Spotify и на официјалната веб-страница на модната куќа во Париз.
„Оваа серија означува егзистенцијален момент за уметноста, бидејќи креаторите редефинираат како, зошто и каде сакаат да комуницираат со публиката“, изјави Јана Пил, директор за уметност и култура на Chanel.
Вреди да се напомене дека лансирањето на таков подкаст е многу прогресивен чекор за Chanel. Најиновативните брендови сега бараат начини да го прошират своето влијание надвор од самата мода и да прифатат поширок културен контекст.
