Видливи моливчиња за усни некогаш служеа првенствено како основа за кармин или сјај и алатка со која можеме визуелно да ја корегираме или истакнеме формата на усните. Првпат ги користеа flapper девојките пред сто години за да ја нацртаат тогаш посакуваната форма на усните, ја користеше и Џозефин Бејкер, а подоцна и холивудските убавици Рита Хејворт и Мерилин Монро.
Популарноста на темен лип лајнер во комбинација со посветол кармин повторно беше популаризирана од супермоделите во 90-тите години на минатиот век, а меѓу првите што ни паднаа на ум кога некој ќе спомене за цртање на усни е секако Гвен Стефани.
Како и многу други трендови на деведесеттите кои ја зазедоа модата и убавината во последно време, моливчињата за усни во пригушени нијанси на кафеава и боја на тула доживуваат вистинско заживување. Главни лидери на овој тренд секако се сестрите Кардашијан / Џенер, ЏејЛо, кои комбинираат моливи со основни сјаеви како и познати шминкери како Шарлот Тилбери. Но, за разлика од острите линии на деведесеттите, денес шминкерите и љубителите на модата претпочитаат моливи кои овозможуваат засенчување, со цел да се создаде впечаток на исполнетост и обем на усните.
