Се погласни се шпекулациите дека младиот британски актер ќе го замени Даниел Крег…
Британскиот актер Реги-Жан Пејџ (31) сè повеќе се споменува како наследник на Даниел Крег (52) во филмовите на Џејмс Бонд.
И не само тоа, тој во моментов води во обложувалниците, а фановите се согласуваат дека тој би бил добар агент 007. Откако една обложувалница објави во вторникот дека за една недела шансите за него одат од 40/1 до 16/1, облогот за него е поголем од актерите Џејми Бел и Крис Хемсворт, и тука е ѝ многу попознатиот Мајкл Фасбендер.
„Реги-Жан Пејџ високо котира во обложувалниците и сега води во трката за актерот кој ќе го замени Даниел Крег“, рече Алекс Апати.
Пејџ моментално игра во серијата „Bridgerton“, чија премиера беше пред две недели, а досега ја гледале 63 милиони луѓе на Нетфликс.
Реге Жан Пејџ е родена во 1990 година во Хараре, главниот град на Зимбабве. Неговата мајка е медицинска сестра од Зимбабве, додека неговиот татко е свештеник од Велика Британија.
“Имам семејство насекаде, во Јужна Африка, Австралија, Шведска, Гренада, Флорида … Зимбабве е најубавото место во светот. Секој го вели тоа за својата земја, но мојата е објективно убава”, рече тој во едно интервју.
По детството во Африка, со семејството се преселил во Лондон, а образованието го продолжува средното гимназиско училиште. Веднаш по пристигнувањето во Велика Британија, зачекори во актерскиот свет, најпрво само како хоби, а подоцна и на професионален план.
По две неуспешни аудиции, тој сепак успеа да се запише во Лондонскиот драмски центар. Дипломирал во 2013 година.
Првата голема телевизиска улога во својата кариера ја постигна во телевизиската драмска серија на Би-Би-Си „Waterloo Road“, а неговото американско деби се случи во 2016 година во минисеријата „Roots“.
Шонда Рајмс го препознала неговиот талент уште пред „Bridgerton“. Имено, тој имаше улога во нејзината серија „For the People“ за животот на адвокатите во окружниот суд во Њујорк.
На кратко се појави и во филмот „Harry Potter and the Deathly Hallows – Part I“ како гостин на венчавката. Толку кратко што неговото име не се ни појавува на одјавна шпица на филмот.
Позабележителна филмска улога имаше во пост-апокалиптичниот филм „Mortal Engines“ во продукција на Питер Џексон.
Неговиот приватниот живот е таинствен, па никој не го знае неговиот љубовен статус.
Досега во јавноста не претставил ниту една девојка.
По премиерата на „Bridgerton“, многумина се прашуваа дали можеби хемијата меѓу него и Фиби работеше надвор од камерите.
На прашањето дали некој од актерската екипа во серијата е во врска, тој имаше едноставен одговор: Мислам дека сè што треба да знаете може да се види на екранот. Целата хемија што се случи е резултат на убавото сценарио што го добивме.
И да се вратиме на приказната од самиот почеток. Гласините дека Реги ќе биде новиот Џејмс Бонд растат.
“Ова е една од подобрите работи, така што можам да бидам почестен. Можеби е и културолошка работа. Ако сте Британец и правите нешто забележливо што луѓето го ценат, веднаш се споменува улогата на Џејмс Бонд”, кратко ги коментираше шпекулациите.
