Скоро 40 години, Каролина Херера е на самиот врв на модната сцена, пишува Elle.rs.
Нејзиниот стил е инспирација за жените ширум светот, а секоја нејзина креација е едноставно совршена. Како некој што го посвети скоро целиот свој живот на модата и модната индустрија, таа е некој чиј совет носи тежина.
Кога станува збор за правилата за добар стил, треба да се учи од неа. Овие модни заповеди строго се придржуваат со децении. Ако сакате да изгледате совршено во секоја прилика, внимателно прочитајте ги и запомнете ги овие совети:
- Нагласени рамења
„Отсекогаш мислев дека кога ќе ги потенцирате рамената, струкот едноставно треба да изгледа потенок“, рече еднаш Каролина, па не е ни чудо што меѓу нејзините креации доминираат оние со нагласени рамена.
- Бела кошула
“Белата кошула е со мене уште од училишните денови. Се сеќавам дека носев бела кошула со јака Петер Пан со мојата училишна униформа. Носев и бела кошула додека возев, и играв тенис во неа. Тоа беше мој заштитен знак, нешто во што се чувствувам безбедно “.
“Може да изгледате лежерно и елегантно во бела кошула, како и да посакате. Но, тие мора да бидат изработени од цврст материјал. Белата кошула е навистина нешто посебно, нели? Жените изгледаат толку свежо во нив”, изјави славниот дизајнер за Вог.
Белата кошула е дефинитивно парче што секоја жена мора да го има во својот гардеробер. Кога го имате ова парче, имате безброј можности за создавање на разни стајлинзи.
- Светли бои се задолжителни
“Боите и модата се неразделни. Затоа, секој треба да експериментира со боите. Боите се многу важни за мене, иако можеби не ги носам толку често, но тие ме прават среќен. Луѓето се чувствуваат моќно кога носат нешто во експресивни бои.
Сакам да ги комбинирам. Кога одите во градината, гледате цвеќиња во сите бои и изгледа убаво толку шарено. Тогаш, зошто да не ги комбинирате боите во мода? “
- Се исплати да се инвестира во здолништа
„Сакам здолништа, затоа што можеш да ги комбинираш со сè и да ги носиш во секојдневни и празнични прилики“, вели таа.
- Интересни додатоци
“Додатоците се многу важни, но тие мора да бидат навистина посебни. Тие даваат личен допир на секој наш стил. Ако ме прашате мене, изберете ги оние што се што поимпресивни и оригинални”.
- Различни дизајни
“Отсекогаш сакав ленти. Модата е пријатна за око, а кога ќе видите фустан со интересен графички отпечаток, лесно е да се запомни. Многу полесно отколку еднобојниот”, вели дизајнерот, чии колекции секогаш вклучуваат парчиња со ефективен графички отпечаток.
