Аријана Гранде имаше многу продуктивен карантин. Не само што објави нов албум „Positions“, туку ја објави и својата свршувачка. Пејачката ја сподели добрата вест на својот Инстаграм профил. Таа објави неколку фотографии со својот вереник, како и слики од импресивен веренички прстен со огромен дијамант и бисери. Пред шест години, Гранде во едно интервју зборуваше за одреден семеен прстен со бисери, што му бил многу важен на нејзиниот дедо, па обожавателите се сигурни дека бисерот во новиот свршенички прстен дошол од таму – но нема потврда за оваа информација.
Вереник на популарната пејачка е Далтон Гомез, агент за недвижнини. Тој се забавува со пејачката нешто помалку од една година – од јануари 2020 година.
Извор близок до парот рекол: „Не можат да бидат посреќни, тие се толку возбудени. Ова е многу среќно време за нив и нејзините родители се воодушевени “. Мајката на Ариана објави на Твитер: „Многу сум возбудена и сакам да го поздравам Далтон Гомез во нашето семејство! Аријана, многу те сакам тебе и Далтон! “
Веридбата на пејачката ѝ ја честитаа и Ким Кардашијан, Хејли Бибер и менаџерот на пејачи Скутер Браун – напишаа коментари под објавата на Инстаграм.
Да потсетиме, ова не е прва веридба на пејачката: во 2018 година, таа беше свршена со комичарот Пит Дејвидсон. Поради негативните искуства од минатото, Гранде се двоумеше дали да даде јавна изјава за нејзината нова врска.
