Холивудските класици како „Сам дома“ веројатно никогаш повеќе нема да бидат создадени и засекогаш ќе нè поврзат со бајковитиот период на празнична атмосфера и снежни врнежи…
Сепак, со цел да ја заживее и зачува празничната магија, брендот Graduate Evanston од Чикаго, претстави ексклузивна понуда на ноќевања и хотелско искуство засновано на заплетот на познатиот филм.
Наречен „The King McCallister Experience“, пакетот вклучува апартман брендиран како „Сам дома“, идентичен со оној претставен во филмот. Ова сместување располага со четири кревети со постер и црвени чаршафи, тапети, бања обележана со ретро афтершејв, „воен план“ на Кевин, мапа за разбојници, пуканки расфрлани низ просторот и портрети на членови на семејството поставени покрај огништето.
Целото искуство ќе вклучува и пристап до камера „Полароид“, минибар, домашно кино со филмската франшиза „Сам дома“, исто така на барање е познатата пица маргарита, која оди по нарачка. Коментирајќи го својот нов проект, извршниот директор и основач на Graduate Hotel, Бен Веприн изјави: „Филмот Сам дома се базира на младински оптимизам и злоба поврзани со овој период од животот, сите тие емоции и носталгични чувства се олицетворение на сите видови приказни што се обидуваме да ги направиме со цел да оживеат нашите хотели“.
Апартманот „Сам дома“ сега е отворен за изнајмување во хотелот „Chicago Graduate Evanston“ и ќе остане таков до денес. Целиот приход од овој проект ќе биде дониран делумно во Детската болница Лури, што е само уште една причина да ја посетите.
