Важно е да легнете рано.
Ние сите го знаеме тоа.
Телото ќе биде поодморено, а следниот ден ќе имаме поголема сила за сите обврски. Сепак, ова не е секогаш изводливо.
Многумина, особено ако имаат мали деца, не успеваат да легнат пред полноќ, па дури и подоцна, а има и такви кои сакаат да погледнат некое видео во кревет, или да прелистуваат објави на социјалните мрежи и слично.
И, како што обично се случува, ви се чини дека поминале петнаесет минути, а во реалноста, всушност поминале неколку часа. Сепак, постои причина зошто дури и вознемирените ноќни бувови треба да размислат рано да легнат. И кога ќе кажеме рано – мислиме на 10 часот навечер. Ако успешните жени како Опра, Ана Винтур и Ким Кардашијан можат, зошто не можете вие?
Но, еве зошто е важно:
Ќе го искористите максимално времето за спиење
Нашиот сон е поделен на деведесет минути циклус на тежок и лесен сон, од длабоко не-брзо движење на очите (не-РЕМ) до брзо движење на очите (РЕМ). Најдлабокиот и најмирен дел од нашиот сон е помеѓу 22 часот и 2 часот по полноќ.
Исто така, една студија вели дека спиењето порано и подолго ни помага да престанеме со негативните и загрижувачки мисли што можат да нè држат будни ноќе, и тоа е уште една валидна причина да легнеме и да одиме во царството на соништата.
Ќе ви биде полесно да се вратите во форма
Кога сме во длабок циклус на спиење, нашето тело лечи создавајќи хормони за раст и обновување. Оваа клучна активност ќе осигури дека сме во најдобра форма за следниот ден, особено кога зборуваме за луѓе кои се атлетски.
Ќе го намалите нивото на стрес
Доколку не спиете доволно, може да бидете под стрес поради исклучително високото ниво на стрес хормон кортизол во вашето тело. Премногу кортизол може да направи да се чувствуваме вознемирени и може да влијае на нашето здравје. Но, кога редовно и порано легнувате, нивото на кортизол опаѓа.
Го намалувате ризикот од многу болести
И тука, студиите покажале дека луѓето кои легнуваат порано се поздрави, во споредба со оние кои работат во ноќни смени или се „ноќни бувови“. Луѓето кои не успеваат да спијат доволно во „длабок сон“, најверојатно ќе живеат со болести како што се дијабетес тип 2, срцеви заболувања и хипертензија. Истражувачите, исто така, откриле дека фазата на длабок сон е помеѓу 22 часот и 2 часот по полноќ, а овој период е исклучително важен за нашите имунолошки клетки.
Ќе ви биде полесно да ги контролирате вашите емоции
Истражувањата покажаа дека луѓето кои спијат доволно часови обично се посреќни во животот. Кога немаме доволно длабок сон, нашите емоции можат да бидат нестабилни затоа што е потешко да се контролираат. Исто така, спиењето порано може да значи порано будење, што може да биде важно ако сакаме да фатиме повеќе дневна светлина и серотонин за да го подобриме расположението.
Ќе ги разберете луѓето подобро
Некои студии покажаа дека недостатокот на сон влијае на разбирањето на емоциите на другите луѓе. Што е многу логично. Кога сте уморни, обично промашуваме некои скриени знаци, како тага или слично, во споредба со некои посилни емоции.
