Хотели од висока категорија отсекогаш биле познати за гостите, и тие се обиделе да ги пречекаат на вистински начин. Така, овој хотел во далечниот Тајланд не е исклучок, особено затоа што треба да се има предвид дека туризмот е доста разнишан од пандемијата.
Hyatt Regency Bangkok Sukhumvit започна програма наречена „One Million Baht Club“, која им овозможува на гостите да престојуваат во хотелот цела година, со услуга за чистење, појадок, закуски, предјадења, коктели, бесплатен паркинг и употреба на салата за состаноци! Цена? Мала ситница – милион тајландски бах, или преведена во европска валута – нешто повеќе од 26 500 евра.
Секако, покрај ова има и некои други придобивки, како што се 10 масажи во блискиот СПА центар, 10 возења со лимузина во Бангкок, 10 ноќевања во други објекти на Хајат, разни попусти и слично. Има и роденденска забава, на која можете да поканите најмногу 20 лица, а ќе ви биде организирана забава на покривот со два часа бесплатни пијалоци.
Но, сепак тоа не е крајот. Цената е реална, пониска, бидејќи 20% од цената им се „враќа“ на гостите во вид на заем за употреба во хотелски ресторани и барови, така што имате околу 6 600 евра да ги потрошите во хотелот.
Иако 26 500 евра звучат како многу, но, кога ќе пресметате, всушност една ноќ е околу 80 евра. И имајќи ги предвид сите горенаведени услуги што ги нуди хотелот, сигурни сме дека многу богати луѓе со задоволство ќе ја искористат оваа придобивка и ќе ја поминат 2021 година живеејќи во Бангкок…
