Богатите и славни луѓе се познати по своите чести купувања на недвижнини, каде честопати со леснотија купуваат и продаваат домови во вредност од неколку милиони…
Еден исклучок од правилото, барем во Сан Франциско, е холивудската ветеранка Винона Рајдер, која го поседувала истиот дом дваесет и пет години. Сепак, таа сега планира да профитира од продажбата на својот дом, кој го купила во 1995 година по цена од 1,3 милиони долари, барајќи нешто помалку од 5 милиони за тоа.
Изградена во 1902 година, оваа трикатна вила се наоѓа на издигната височина, поради што ужива во неверојатен поглед. Совршено сочуваниот дом ги комбинира историските детали со удобноста на модерното време. Содржи три спални соби и две бањи и два тоалета, со димензии малку повеќе од 310 квадратни метри.
Ограден двор ве води околу оваа вила на нејзината страна, каде што се отвора црвена врата кон фоајето, кое има оригинални дрвени подови, прозори од оловно стакло и украсно скалило. Свечената просторија за прием содржи дополнителни прозорци со оловно стакло и комплетно традиционално огниште со детали од гипс, додека неформалната просторија за истата намена содржи и сосема поинакво огниште. Блиската трпезарија се прелева кон надворешноста благодарение на лизгачките стаклени врати, кои нудат неверојатен поглед. Кујната, која е внимателно распоредена, е опремена со бледо сиви кварцни работни плочи и модерни дизајнерски апарати.
Иако технички има три спални соби на горниот кат, планот на вилата ни покажува дека едната од нив содржи винтиџ приватна бања, додека другите две функционираат како стан што дели влезна сала близу до гломазна гардероба и дополнителна бања. Поголемата од двете соби има камин, како и лизгачка врата што се отвора на тесниот балкон со фантастичен поглед на мостот Голден Гејт и островот Алкатраз.
Покрај гаражата со еден автомобил, подземното ниво содржи просторија за перење и дополнителен тоалет. Во надворешноста, голема тераса која се карактеризира со цигли, внимателно е скриена од љубопитните погледи.
Патем, не е јасно кога Рајдер последен пат поминала време во овој дом. Како што дознаваме, минатата година таа го изнајмила по цена од 15.000 долари за еден месец.
