Додека светот се бори со корона вирусот, многу индустрии пропаднаа, но не и продажбата на козметика и разни помагала за убавина. Од тоа профитираше и Кајли Џенер, која од страна на престижниот магазин Форбс беше прогласена за најбогата starвезда во 2020 година.
Најмладата од кланот Кардашијан заработи дури 600 милиони долари, што ја става на прво место. И не само тоа! Може да ги „изеде“ следните пет на оваа позната листа, затоа што заработи повеќе од сите заедно. Тука спаѓаат второпласираниот Канје Вест, кој заработи 140 милиони, Роџер Федерер со плата од 106,3 милиони, Кристијано Роналдо кој собра 105 и Лионел Меси со плата од 104 милиони долари во 2020 година. Шестопласираниот Тајлер Пери, актер, режисер и продуцент, не ја премина магичната граница од 100 милиони, но заработи „само“ 97 милиони долари.
Кајли ја завршува годината спектакуларно како што и започна. Потоа, таа најпрво беше прогласена за најмладиот милијардер во светот кој заработил сопствени пари (што ги исклучува богатите наследници од конкуренцијата), но магазинот Форбс многу брзо го демантираше сопствениот избор затоа што, наводно, добила погрешни податоци за заработката.
Сега, очигледно, нема сомнеж, а Кајли тогаш изјави „има многу поважни работи од парите“. Има, нели?
