Се родиле најнежните чувства, а плод на големите емоции се ќерката Вајат и синот Димитри.
Тие се запознаа пред 20 години на снимањето на серијата „Среќни седумдесетти“, но Мила Кунис и Ештон Качер ја започнаа својата љубовна приказна многу подоцна. Тој претходно беше оженет со неговата 15 години постара колешка Деми Мур, а Мила беше во долга врска со Маколи Калкин, сепак, по раскинувањето, судбината ги обедини.
Никогаш не сонуваа дека еден ден ќе создадат семејство и ќе бидат еден од најубавите холивудски парови, а Мила еднаш се сети на моментот кога започнаа емоциите.
- Секогаш бевме во контакт, но никогаш не помислував дека можам да бидам во врска со него. Потоа се сретнавме на таа една забава. Видов висок човек од позади и се прашував за кого станува збор. Потоа се сврте и буквално беше како во филмовите – музика почна да свири, виолини … и мислам дека првпат останав без здив. Тој планираше да ме запознае со еден пријател. Но, за да ја скратам приказната, отидов дома дури следното утро. Првпат спиев во куќа на момче, но тој едноставно не сакаше да заминам – го опиша актерката моментот кога сфати дека се вљуби во нејзиниот денешен сопруг.
Иако тие првпат се бакнаа во 1999 година во серијата „Среќни седумдесетти“, што воедно беше и првиот бакнеж во животот на актерката, првиот бакнеж бил на сетот во јануари 2012 година и после тоа станаа неразделни. Сепак, бидејќи и двајцата штотуку излегле од долга врска, тие не биле подготвени за нешто сериозно, па решиле да се гледаат лежерно.
Три месеци откако почнале да се гледаат, Мила сфатила дека веќе не е забавно и дека сака нешто повеќе, што очигледно и Ештон го имал на ум. Бидејќи не биле во сериозна врска, тие гледале и други луѓе, но често се случувало по состанок да си се јават и да ја завршат вечерта заедно. Затоа, по еден од разговорите, тие одлучиле да започнат сериозна врска и наскоро започнаа да живеат заедно. Останатото е историја – тие се венчаа во 2015 година и имаа две деца, ќерката Вајат Изабел и синот Димитри.
Самата венчавка беше тајна, а во медиумите протекоа само неколку информации.
- Сите детали за церемонијата беа чувани во тајност, а гостите беа известени помалку од 24 часа пред венчавката. Тоа беше мала и интимна венчавка со пријателите и семејството – изјави изворот за странските медиуми.
Мила и Ештон ретко даваат интервјуа, а во врска со нивниот приватен живот, тие се воздржани и повеќепати посочуваат дека би сакале нивните деца да растат што е можно подалеку од драмата и скандалите што ги носи јавната сцена. Тие одат на сите патувања, без разлика дали се од деловен или од приватен карактер, како семејство и се горди на тоа, а папараците често ги сликаат како вршат секојдневни активности заедно, исто како да не се славни. Иако и двајцата се многу славни и богати, тоа воопшто не го забележува нивното однесување.
Мила накратко ја опиша својата врска со нејзиниот сопруг. Тоа беше исто така еден од ретките моменти кога убавата бринета зборува за приватноста.
- Јас го имам најдобриот сопруг на светот. Ви се колнам, јас сум многу среќна затоа што добив таков сопруг и личност која е полна со трпеливост и која го поддржува и охрабрува нашето семејство секој ден – изјави Кунис, која снимаше филм во Будимпешта, и Ештон и децата беа со неа за време на целото снимање во Унгарија.
Ештон, чие богатство се проценува на 200 милиони долари, еднаш ја изненади јавноста кога посочи дека неговата сопруга Мила и тој не издвојуваат пари во доверливи фондови за нивните деца и дека ќе ги поддржуваат децата во започнување на сопствен бизнис, но дека тие нема да имаат посебен третман.
Ештон Качер беше оженет со славната Деми Мур, која е постара од него 15 години, а актерката своевремено ги откри најинтимните детали од нивната врска за странските медиуми.
Според „Њујорк тајмс“, во признанието, актерката изјавила дека нејзиниот поранешен сопруг двапати ја изневерувал, а исто така ја принудувал да има интимна врска со друга личност истовремено. Таа исто така изјавила дека го изгубила детето во шестиот месец од бременоста и дека за тоа се обвинила себеси затоа што конзумирала големи количини пијалоци.
Инаку, Ештон и Деми беа во брак од септември 2005 година, а во 2011 година актерката објави дека се разделиле.
