Петте најсреќни љубители на пица и фудбалска маса (столно фудбалче) ќе можат да го разубават своето секојдневие со нова играчка која Pizza Hut ја нарекува „парче задоволство“…
За сите љубители на фудбалот кои се разочарани од фактот дека не можат да гледаат натпревари во големо друштво заради коронавирусот, Pizza Hut смисли начин барем малку да ги утеши разочараните навивачи.
„Foosball Pizza Box“ е нивниот концепт што се рекламира во Хонг Конг како бесплатно парче задоволство – и тоа е кутија за пица која се трансформира во мини фудбал на маса.
Иако пред се станува збор за одличен маркетинг, љубителите на пица и столното фудбалче имаат одреден лимит. Акцијата трае до 20 декември, при што Pizza Hut ќе сподели 5 кутии на оние кои ја преземаат својата апликација и ќе остават најкреативен коментар на нивниот Фејсбук.
За жал, Македонија ја нема оваа франшиза, но можеби, локалните пицерии би можеле да надополнат со неколку интересни идеи како да се разубави секојдневието.
