Дали се сеќавате на фризурата што Рејчел ја носеше од серијата „Пријатели“? Токму таквата, слоевита и степенасто ошишана коса, полека повторно станува водечки тренд. Без сомнение, сè поголем број жени ќе носат вака стилизирана коса.
Рамната ошишана коса, како што ја сакавме изминатите месеци, и го отстапува местото на оваа интересна фризура што ја видовме во текот на 90-тите години.
Фризурата што ја прослави Џенифер Анистон ќе биде многу барана во текот на зимата, сигурни се фризерите. Она што е одлично е што одговара на секоја форма на лице и делува младолико.
Стилистите ја објаснуваат повторната популарност на оваа фризура со фактот дека сега се повеќе жени сакаат фризура што е лесна за одржување и не бара чести посети на фризер, а овој стил е токму таков.
Ако сакате да направите промена, тогаш оваа фризура е полн погодок.
