Аптера се враќа на големата сцена (!), дури 9 години по неуспешниот обид да се обезбедат средства за проектот за електричен автомобил.
Овој пат, компанијата најавува дека ќе произведе возило, кое нема да мора да го полните, барем не за повеќето возачи.
Нивната парадигма со три тркала ќе има батерија од 100 kWh и максимален дострел од неверојатни 1.600 километри, на што може и Тесла да позавиди.
Две верзии
Покривот е направен од соларни панели, кои овозможуваат 70 километри возење (на ден) и ја полнат батеријата, додека возилото е паркирано.
Целиот систем е комплетиран со технологијата „Never Charge“ од компанијата од Сан Диего, пренесува Verge.
Моделите Парадигма и Парадигма Плус може да се нарачаат преку Интернет, со депозит од 100 долари. Нивната цена ќе варира од 25.900 до 46.000 американски долари, а на пазарот се очекува во 2021 година.
