Нова година е најдобро време за елегантни комбинации на облека, дури и ако треба да ја поминете во тесен семеен круг, без традиционални, весели и бучни забави.
Сепак, како што велат – како што ја дочекувате годината, така и ќе ја поминете. Секако, целиот свет се надева дека следната година ќе биде сосема поинаква од онаа што наскоро ќе ја оставиме зад нас. Следната година сакаме да ја поминеме фокусирани на некои сосема различни работи, додека новогодишната ноќ сакаме да ја разубавиме со цел традиционален празничен арсенал во форма на кадифе, кристали и светки кои се уште се во функција – но овој пат таа ќе биде дополнително засилена со ултрамодерни ресни. И, ако не сакате да носите фустан, има решение – елегантен блејзер.
Подолг блејзер може да го замени фустанот, но доколку е потребно, тој може лежерно да се закачи преку рамото. Подоцна, може да се комбинира со голем број работи – фустани, здолништа, панталони и шорцеви.
Оваа сезона, дизајнерите беа инспирирани од блејзери и претставија совршени модели изработени од жакард, плиш и кадифе, сјаен сатен со везови, кристали, светки. Блејзерот на Зара содржи асиметрични, светликави реси – одличен избор за танцување. Блејзерот на Александар Меквин е украсен со софистициран кристален вез со цветни мотиви.
Погледнете ги најубавите модели за празничната новогодишна ноќ во галеријата со фотографии.
