Во медиумите се појавија информации дека Honda наскоро ќе лансира наследник на славниот спортски модел С2000.
Доколку навистина добие зелено светло, наследникот на S2000 може да се појави во текот на 2024 година, во форма на двосед со преклопен покрив и погон на задните тркала.
Благодарение на употребата на алуминиум и јаглеродни влакна, според некои извори, автомобилот треба да тежи околу 1360 кг, додека за погонот наводно би се грижел 2,0-литарскиот турбо бензинец од Civica Type R.
„Стариот“ модел беше придвижуван од четирицилиндричен дволитарски атмосферски бензински мотор кој произведува 240 КС (177 kW) при 8.300 вртежи во минута и 208 Nm максимален вртежен момент достапен на 7.500 вртежи во минута.
