Oптичка илузија ја претвори улицата во Монтреал во песочни брановити дини

И навистина е така! Убедени сме во тоа безброј пати кога и да наидеме на некоја оптичка илузија. Но, она што денес ви го претставуваме навистина ја доведува во прашање нашата способност за перципирање. Тоа е дело на канадска архитектонска фирма наречена NOS, а уметничкото дело се наоѓа на многу невообичаена локација, на улиците на Монтреал.

Делото е наречено „Подвижни дини“ и има неверојатна моќ да ја свитка човечката перспектива. Кога се гледа од одреден агол, ова уметничко дело изгледа измамливо имитирајќи ги обрасците на песок во пустината. Огромни сфери на хром придонесуваат за ефект на илузија, а резултатот е апсолутно зачудувачки.

Според компанијата одговорна за создавањето на овој уметнички израз – тоа е искуствен мираж во срцето на Монтреал во кое се испреплетуваат реалното и виртуелното. Делото е создадено во 2008 година како дел од изложбата во Монтреалскиот музеј за ликовна уметност под наслов „Од Африка до Америка: Лице в лице со Пикасо, минато и сегашност“.

Извлекувајќи инспирација од делото на кубанските уметници, илузорното уметничко дело беше поставено на Авенијата де Музеј, како дел од годишната покана за уметници. Архитектот што стои зад ова дело рече дека идејата за таква креација се појавила кога тие сакале да и дадат на улицата волумен, односно топографија, имајќи предвид дека инсталацијата треба да биде дводимензионална за да им се овозможи на пешаците да се движат по неа. Инспириран од графичката техника на кубизам, тимот создаде необична илузија на длабочина.