Пред точно една недела нè напушти легендарниот фудбалер Диего Марадона. Неговата ненадејна смрт шокирало многумина, поради што сè уште се зборува за целиот случај. Според последните информации од Аргентина, од каде потекнува Марадона, 60-годишникот испил коктел со лекови непосредно пред смртта, што наводно сериозно му го оштетило срцето, кое во брзо време откажало.
Според тамошните медиуми, сето тоа го открило неговото медицинско досие. Коктелот содржел антидепресиви и антипсихотици, кои исто така се користат за лекување на биполарно растројство. Покрај тоа, сега се знае информација дека кај него е дијагностицирана дилатациона кардиомиопатија – здравствена состојба во која срцевиот мускул ослабува и се зголемува, но не може да пумпа доволно крв за остатокот од телото.
За сето тоа проговорил локалниот невролог. „Треба да се испита колку лекови му биле дадени и кои се критериумите за земање, дали ги земал во исто време или не. Имало многу мешање на антидепресиви и антипсихотици, што има силно влијание врз срцето, особено на отчукувањата на срцето“, изјави тој.
