Тој е еден од најшармантните актери и дефинитивно миленик на публиката. Бен Стилер успеа да ги освои срцата на многумина штом стапна на холивудската сцена. Овој пат за него беше сосема природно, имајќи предвид дека неговиот татко Џери Стилер беше добро познат во јавноста.
Покрај актерството, Бен е и режисер, но исто така е и продуцент и сценарист.
Бен Стилер е роден на 30 ноември 1965 година во еврејско семејство. Таткото Џери Стилер и Ен Мира беа познати комичари. Бен и неговата сестра Ејми, често патуваа со нив и веќе во најраното детство беше запознаен со актерската дејност, па затоа е сосема јасно зошто тргнал по тој пат. Првпат се појави во филмот, со татко му, кога имаше само 10 години.
Тој не беше премногу заинтересиран за училиште, но во најраното детство знаеше дека сака да биде успешен во шоу-бизнисот.
На 18-годишна возраст, со поддршка од неговите родители, замина во Лос Анџелес и се запиша на академијата за глума. Иако имаше голема желба да го заврши факултетот, реалноста беше малку поинаква. Брзо му здодеа од студентскиот живот и се врати во Њујорк.
“Беше премногу здодевно за мене. Таму имаше строга и здодевна атмосфера и не ми се допаѓа”, рече еднаш актерот.
Одлучи да оди на аудиции и без формално образование, сепак успева во светот на актерството.
Во 1985 година, додека играл во претстава, Стилер бил забележан од агент и му понудил да дојде на аудиција. Од тој ден, Бен стана добро познато име во кино.
За прв пат се појави на големото платно во 1987 година во филмот „Империја на сонцето“ на Стивен Спилберг.
Најголем успех е филмот „Нешто за Мери“, кој заработи 360 милиони долари. Списокот со филмови во кои глумеше е навистина долг, а публиката најмногу сака да го гледа во комедии.
Бурен љубовен живот
Бен вели дека отсекогаш сакал да има големо и стабилно семејство, но сепак не се оженил до својата 35 година.
Неговиот љубовен живот беше бурен, па беше гледан во друштво на многу актерки. Сите негови врски биле бурни и краткотрајни. . Дури кога ја запозна Кристин Тејлор на филмскиот сет сфати што е вистинска љубов. Нешто „кликна“ во него и тој реши да каже судбоносно ДА. Двајцата се венчаа во мај 2000 година и имаат ќерка и син.
Сепак, и оваа врска не успеа. Парот се раздели во 2017 година, но и покрај брачните кризи, денес се во добри односи.
Бурен период од животот
Совршениот живот започна да се комплицира откако дозна дека страда од рак на простата, во 2014 година.
За време на гостувањето во шоуто Хауард Стерн, актерот првпат јавно проговори за неговата битка со ракот на простата.
Тој рече дека болеста му била дијагностицирана во јуни 2014 година, а два месеци подоцна бил на операција. Во септември, му беше кажано дека е излечен.
„За мене беше како гром од ведро небо затоа што не знаев дека сум болен“, објасни актерот. “Отпрвин не знаев што ќе се случи. Бев исплашен. Престанав да планирам било што, дури не можев да организирам и снимање”.
Туморот растеше кај него веќе пет години и ако тој не извршеше тестови на тумор на антиген специфичен за простатата, немаше да биде откриен на време. Оваа вест ја сподели и на Твитер, каде на својот блог објави текст: „Имав рак пред неколку години и сакав да кажам нешто за тоа и тестирањето што ми го спаси животот“.
Тој ја опишал сцената кога докторот му рекол дека има рак. Дејствуваше како сцена од филм: “Гласот на урологот одеднаш замолкна како во филмови или серии кога некому треба да му се каже дека има рак. Тоа беше класичен момент на Волтер Вајт, освен што стануваше збор за мене и никој не нè снимаше”.
Стилер сега одлучи јавно да зборува за својата дијагноза за да ги охрабри другите да се тестираат. „Се чувствувам како тестот да ми го спаси животот“, рече актерот.
Бен на крајот рече дека сега повеќе го цени животот.
Во мај оваа година, го пречека уште една тажна вест, почина неговиот татко, за кого беше силно приврзан. Бен се збогуваше со него со овие зборови: “Тој беше одличен татко и дедо, многу посветен сопруг на Ана скоро 62 години. Многу ќе ни недостасува. Те сакам тато”.
