На нашето тело му е потребен витамин Д за да остане здрав, но значителен дел од популацијата има недостаток на овој витамин од сонце, што според некои истражувања ја зголемува веројатноста за компликации кај луѓето со коронавирус.
Поддржува имунитет, го намалува развојот на срцеви заболувања…
Витаминот Д е основна хранлива материја, што значи дека на телото му треба за непречено функционирање, но едноставно не произведува доволно од него.
Ова е местото каде сонцето обично ја игра својата улога: кога УВБ зраците на сончевата светлина ја допираат кожата, тие го стимулираат производството на витамин Д3 во организмот, кој го поддржува имунитетот, ни помага да апсорбираме калциум и фосфор и да одржуваме здрав крвен притисок.
Оние кои немаат витамин Д имаат поголем ризик од развој на срцеви заболувања, автоимуни болести и некои видови на рак. Еве како да внесете доволно витамин во вашето тело во зима со неколку часа сонце…
Луѓето и природата зависат едни од други
Прилично е неверојатно да се помисли дека сонцето е одговорно за започнување на ваков клучен процес и тоа е уште еден потсетник дека луѓето и природата зависат едни од други за да успеат.
За жал, ова исто така значи дека на многу луѓе – дури и на нас кои живееме во сончева клима – им недостасува витамин Д бидејќи како општество обично поминуваме многу време во затворени простории. Истражувањето од 2011 година проценува дека 41,6 проценти од Американците имаат недостаток на витамини, а постарите луѓе и оние со потемна кожа имаат уште поголем ризик од недостаток.
Се сеќавате на 2011 година? Тоа беше година кога можевме да излеземе без да размислуваме двапати на тоа. Сега кога толку многу од нас остануваат дома заради сопственото здравје и здравјето на другите, земањето доволно витамин Д стана уште поголем предизвик.
Како (и зошто) да се обезбеди адекватен внес на витамин Д за време на корона-пандемијата
За жал, да останете во затворен простор до сончевиот прозорец нема да ви помогне да ги зголемите нивоата на витамин Д, бидејќи УВБ зраците не поминуваат низ стаклото. И додека конзумирање храна што содржи витамин Д – како јајца, бели печурки, ракчиња и збогатени млечни производи – може да помогне во зголемувањето на нивото, тешко дека ќе ви донесе дневна квота од 400 до 800 IU на ден.
„Освен ако не јадете 850 грама див лосос на ден или не пиете 10 лажици масло од бакалар за појадок, можеби ќе треба да започнете да земате додаток во исхраната за да бидете сигурни дека ќе достигнете оптимални нивоа“, пишува докторот за функционална медицина, д-р Марк Хајман за „Mind Body Green“ , додавајќи дека им препорачува додаток на витамин Д на скоро сите негови пациенти.
Недостаток на витамин Д ја зголемува веројатноста за компликации со КОВИД-19
Вреди да се напомене дека некои неодамнешни истражувања забележаа корелација помеѓу недостаток на витамин Д и смртност од коронавирус.
Неодамна, истражувачки тим од Универзитетот Нортвестерн ги анализираше податоците во болницата ширум светот и откри дека пациентите со недостаток на витамин Д имаат двојно поголема веројатност да имаат сериозни компликации со КОВИД-19.
Вториот, објавен во списанието „Aging Clinical and Experimental Research“, ги разгледуваше конкретно европските земји и открива дека оние со популација кои страдаат од поголем недостаток на витамин Д, исто така, имаат повисоки стапки на смртност од коронавирусот.
И двата тима истражувачи предупредуваат дека дизајнот на нивните студии не бил совршен, и дека корелацијата не мора да значи каузалност. Претходните истражувања покажаа дека додатокот на витамин Д може негативно да влијае на способноста на организмот да се бори против одредени инфекции.
Сето ова значи дека сè уште нема познат лек за КОВИД-19 во овој момент, а најдобрите методи за превенција се миење раце, одржување социјална дистанца и избегнување на допирање на лицето.
На нашето тело му е потребен витамин Д за да остане здрав, но значителен дел од популацијата има недостаток. Во такви моменти, кога сончањето може да ви биде незгодно, во зависност од тоа каде живеете, можеби ќе треба да побарате на друго место за да ја пополните квотата на овој основен хормон.
