Ако и вие сте стрвни по чоколадни десерти, време е да го откриете рајот за непцата.
Оваа трослојна торта има два чоколадни реда со карамела измеѓу и е уште поубава во живо отколку на слика.
Ако ве убедивме, ви требаат следниве состојки:
ЗА КОРА
- 650g измелени чоколадни колачиња/бисквити
- 150g истопен путер
- Шеќер во прав, по желба, не е задолжително
ЗА КАРАМЕЛА
- 130g истоен путер
- 1,2 dl јаворов сируп
- 380g кафеав шеќер
- 1,7 dl кондензирано млеко
- 100g ситно сечкани кикирики
ЗА ГЛАЗУРА
- 250g црно чоколадо
- 2,5 dl хопла
- 60g путер
Подготовка:
Рерната загрејте ја на 180 степени. Во еден сад измешајте ги состојките за кората, па добиената смеса еднакво распоредете ја во тавче за печење. Печете 10-тина минути.
Во длабок сад стопете го путерот на средна температура, па додадете го сирупот и шеќерот. Варете 3-4 минути, додека не се згусне, па тргнете.
Додадете го кондензираното млеко и кикириките, па продолжете да матите додека смесата не стане густа и хомогена.
Кога малку ќе се разлади, прелијте преку кората и со лажица рамномерно распоредете.
Оставете го колачот 30 минути во фрижидер.
Во меѓувреме подгответе ја глазурата, така што слатката павлака ќе ја загреете до точка на вриење, па потоа ќе го додадете чоколадото. Мешајте додека не се растопи.
Додадете го и путерот и мешајте додека не добиете мазна смеса.
Сипете низ изладениот колач, па вратете во фрижидер уште 2 часа.
