Откако ја пречекаа елката висока пет метри пред Белата куќа, наскоро бившата прва дама на Америка, Меланија Трамп, со сопругот Доналд организираше традиционално помилување на мисирка во пресрет на Денот на благодарноста и овој пат го привлече вниманието на јавноста со своето модно издание.
По свеченото преземање на новогодишната елка, која оваа празнична сезона ќе ја краси Сината соба на Претседателската резиденција во Вашингтон, 50-годишната Словенка привлече внимание на традиционалната церемонија за помилување на мисирка, што се одржува во Белата куќа од 1863 година.
Како безброј пати досега, Меланија уште еднаш побара помош од својот долгогодишен стилист и дизајнер Ерве Пјер за создавање на беспрекорно модно издание.
Својот познат клиент Пјер реши да го облече во модел на строг твид капут потпишан од познатото италијанско дуо Долче и Габана, што беше претставено пред јавноста како дел од нивната минатогодишна колекција готови за облека, наменета за сезоната есен-зима.
Иако станува збор за палто од минатогодишната колекција на италијанскиот бренд, на некои страници сепак е достапен за продажба по цена од скоро 2 илјади евра.
Со ласкава миди должина, палтото откри црн модел на кожено здолниште до колена додека Меланија се преместуваше на масата со мисирката, за кое се вели дека е дело на нејзиниот личен стилист, а носејќи го, уште еднаш докажа дека не е имуна на актуелните модни трендови.
Целото издание го заокружи со пар црни салонки со беж капак на прстите, кои личат на препознатливите модели со потпис на Шанел, а тоа се чевли со потпис на нејзиниот омилен дизајнер на чевли, Маноло Бланик.
