Џенифер Лопез уште еднаш успеа да го остави светот без здив на неколку моменти, или барем оние што го гледаа нејзиниот настап на Американските музички награди во Лос Анџелес, за време на кој и се придружи популарниот колумбиски заводник Малума.
Латино дивата и миленикот на жените ги изведоа своите два хита “Pa Ti” и “Lonely”, кои неодамна ги претставија на публиката снимајќи жешки видеа, а нивниот настап на престижната награда не се разликуваше. 51-годишната Џенифер се појави на сцената во проѕирен комбинезон кој ги истакна сите нејзини атрибути, а Малума (26) со која разменуваше страсни допири и движења избра елегантна облека. Настапот пукаше од сензуалност и беше тешко да се тргне погледот од нивните појави.
Дуото за прв пат крена прашина во септември годинава кога објавија два спотови кои се надминаа самите себе, а за едниот се шпекулира дека инспирацијата ја барале во спотот на српската пејачка Ана Николиќ за песната „Беше убаво“.
Покрај заедничките песни, Џенифер и Малума направија и филм, романтична комедија „Омажи се за мене“, а им се придружи и Овен Вилсон, чијашто премиера е предвидено да се гледа во февруари 2021 година.
