Пред точно 110 години, еден од најголемите руски писатели, Лав Толстој, почина од пневмонија во Астапово, на железничката станица, непосредно откако го напуштил својот дом на возраст од 82 години.
„Го правам она што обично го прават луѓето на моја возраст, затоа што последните денови од мојот живот сакам да ги поминам во осаменост и тишина“ – напишал, меѓу другото, во прошталното писмо што и го остави на сопругата Софија.
Лав Николаевич Толстој е еден од најпознатите руски писатели. Неговото импозантно творештво изобилува со богата психолошка анализа на ликовите, притоа ставајќи акцент на моралните како и на семејните вредности.
Еден од најголемите умови во историјата на човештвото, брилијантен уметник чии мисли живеат и важат и ден-денес. Ова се дел од најимпресивните цитати на Толстој како и неговите гледишта за животот, уметноста, моралните вредности и вистинските квалитети на човекот.
„Сите размислуваат за промена на светот, но никој не мисли да се промени самиот.“
„Музиката е стенографија на емоциите.“
„Двата најмоќни воини се трпението и времето.“
„Сè, сè што разбирам, разбирам бидејќи љубам.“
„Сите среќни семејства наликуваат едно на друго, секое несреќно семејство е несреќно на свој начин.“
„Му се бесам на човека на врат, давејќи го и терајќи го да ме носи, а сепак се убедувам себеси и останатите дека ми е жал за него и дека посакувам да му олеснам на секој можен начин – освен да му се симнам од вратот.“
„Единствената смисла на животот е да му се служи на човештвото.“
„Неверојатно е колкава е заблудата за тоа дека убавината е добрина.“
„Не постои значајност таму каде што нема едноставност, добрина и вистина.“
„Здодевност: желба за желби.“
„Во име Господово, запрете за миг, прекинете со работа и погледнете околу себе.“
„Еден од најголемите услови за среќа е дека врската меѓу човекот и природата не смее да биде прекината.“
„Уметноста не е ракотворба туку пренос на чувства кои уметникот ги доживеал.“
„Вистината, исто како и златото, се добива не со зголемување на количината, туку со отстранување на сè она што не е злато.“
„Вистинскиот живот се живее кога се случуваат мали промени.“
„Вербата е смислата на животот, смисла заради која човекот не се уништува себеси туку продолжува да живее. Тоа е силата по која живееме.“
