На Нетфликс неодамна се појави четвртата сезона на популарната серија „Круна“, која ги следи интригите на британското кралско семејство и ја става во преден план младата принцеза Дајана. И додека некои работи се целосно измислени за да ги забавуваат гледачите и даваат дополнителна димензија на возбуда, други следат вистински моменти од нејзиниот неверојатен живот.
Откако ја погледнаа деветтата епизода, многумина се прашуваа: Дали принцезата Дајана навистина го сторила тоа на Кралската оперска сцена во Лондон пред публиката?
Во епизодата наречена Лавина (Avalanche) , ги гледаме принцезата Дајана (ја толкува Ема Корин) и принцот Чарлс (Џош О’Конор) на една балетска добротворна вечера.
Принцезата во еден момент се извинува што мора да оди во тоалет, но всушност тајно ја променува облеката во свилен елегантен пењоар и танцува на сцената во оперската куќа со Вејн Слил (Џеј Веб) на песната „Uptown Girl“ на Били Џоел.
Неочекуваниот потег го шокира нејзиниот сопруг, а тој е дополнително лут од фактот дека публиката со громогласен аплауз го поддржува секој танцов потег на Дијана.
Иако денес е тешко да се замисли, на пример, Кетрин Мидлтон да танцува во јавноста во слаб фустан за нејзиниот сопруг Вилијам, принцезата Дајана навистина се појави на сцената во декември 1985 година и професионално кореографираше пред околу 2.500 луѓе од публиката, инаку добродетели на операта.
Тогашната 24-годишна принцеза со недели тајно вежбала кореографија со славниот танчер на балет, за да му направи празнично изненадување на Чарлс веднаш по неговиот 37-ми роденден. Покрај тоа, вистинската приказна е дури и поинтересна од прикажаната во серијата.
„Се најдовме во студио за танцување во Западен Лондон. Принцезата носеше трико и високи чорапи. Првата помисла ми беше дека таа е превисока за да танцувам со мене. Сите ќе ми се смеат, јас сум висок 1,57 метри, а таа 1,80 метри,“ откри подоцна Вејн Спил за медиумите.
Но, принцезата знаела дека разликата во висината ќе биде дополнителен забавен елемент на сцената, па затоа се препуштила на тешката проба и обука на кореографија, која вклучувала елементи на балет и џез.
„Во еден момент таа ме турна, а јас потоа ја кревам високо и ја носам преку сцената. Се сеќавам на мислите што ги повторував во главата: „Не ја испуштај идната кралица на Англија“, се присетува балетанот.
Кога Дијана и Вејн подоцна му се придружиле на принцот Чарлс на малиот прием по настапот, тој делувал ладно. Тина Браун во биографијата на принцезата Дајана истакнува дека веднаш било понижувачки јасно дека принцот Чарлс е разочаран од неговата сопруга.
Иако оригиналниот танц не беше снимен, во медиумите протекоа информации за изненадувањето на Дијана, кое потоа било окарактеризирано како кршење на етикетата на кралот.
Но, луѓето блиски до кралскиот двор заклучија дека принцот Чарлс не е задоволен затоа што сметал дека Дијана уште еднаш го надминала според популарноста и симпатијата во британската јавност.
