Зендаја Мари Стоермер Колман е млада актерка и пејачка која веќе има постигнато завидни улоги за своите 24 години, и стана најмладата актерка што ја добила Еми наградата за најдобра главна актерка во драмската серија „Еуфорија“.
Сè почесто Зендаја се појавува на насловните страници на модните списанија, а таа е вистинска кралица на црвените теписи, за кои нејзин своевиден заштитен знак се креации што ѝ го изложуваат стомакот. Таа исто така носи одлични костуми на модните недели, па не е изненадување што минатата година соработуваше со модната куќа Томи Хилфигер.
Во приватни моменти, папараците обично ја фаќаат облечена во едноставна маица, панталони, патики и јакна или капут од боја на камила во која изгледа опуштено, но многу шик, а можеме само да заклучиме – сакаме сè од нејзината гардероба!
